Christina Antonia vom Brocke
PLURILINGUITAD EN IL GRISCHUN – CHARGIA U AVANTATG DAL LIEU?
Resultats d’in studi davart la cumpetenza da tudestg en scolas mono- e bilinguas en il Chantun Grischun
En in artitgel da l’NZZ expriman intgins scolasts e represchentants da l’economia lur preoccupaziun in connex culla plurilinguitad actuala en las scolas grischunas. Els fan valair che la plurilinguitad possia avair in’influenza negativa sin il tudestg L1.
Ina retschertga davart las cumpetenzas da tudestg en scolas mono- e bilinguas cumprova che quai n’è betg uschia e propona en maniera fitg concreta da promover il potenzial linguistic che ils giuvens grischuns han.